iMovie
2019-01-23 17:11:20

前陣子我完成了一個本應在兩年多前便應該要完成的imovie

這個關於旅行的imovie為甚麼要拖兩年多才完成是有很多原因的。

我是一個電腦白痴,但我相信只要我肯學,我是一定會做到的。

於是我去Apple Store上堂,然後開始做imovie

豈料上完堂回家之後,有一些技巧忘記了,於是又再去上堂,並請教那裏的員工如何做我心目中的imovie

我以為自己已經掌握得七七八八,豈料回家之後有其他事情於是丟下了這件事。

之後有時間pick up的時候我發覺我竟然完全忘了如何做,只對著電腦發呆。

然後我又再去上課,為免之前的Apple Store的員工認得我,我去了另一間Apple Store

再然後之前的情況又再循環發生幾次,如是者我去了上海其中3Apple Stores都未做完個 imovie

一日,女兒見我對著電腦發呆,問我咩事?我告訴她原因。

然後她竟然答我:「我在學校做過很多imovie,知道怎樣做,我教你吧!」

吓!!!

你唔早D講???

於是交給她幫我做。

差不多完成時我看了一下,發覺有很多問題⋯⋯

我:「點解有咁多花呀、鳥呀、水鴨既相⋯⋯?」

她:「因為我鐘意D呀、鳥呀同水鴨。」

我:「ok.... 咁點解其中有咁多auntie Marie D相?」

她:「因為佢靚lor。」

我:「um..... 咁除了auntie Marie之外,點解有咁多auntie WinnieClarice D相?」

她: 「因為我同佢地D仔女一齊玩過。」

我:「um..... 咁點解又有咁多auntie Gladys D相?」

她: 「因為佢買過腸粉、魚蛋同燒賣比我食lor。」

我:「咁點解我一張單人相都冇,其他aunties有咁多?」

她:「um.....

..............

(咁可能係因為我唔靚、我冇同佢玩同埋我冇買腸粉、魚蛋同燒賣比佢食lor.....)

結果我從頭揀過D相,又再做過。

當時又有其他問題:看到movie但聽唔到音樂,聽到音樂但看不到movie,做完之後但upload唔到個去個drive(因為唔記得密碼).....

就這樣兩年半過去了,我好開心終於完成了這個imovie

........除了imovie,我還有很多事情未完成,它們可能是應該要在5年前、4年前、3年前、半年前就要完成,還有很多是未來很短的時間就要完成......有一些做了少少,有一些做了大部份,有一些未開始做emotion

2019年希望可以努力完成,祝大家也有一個新的開始。